«Chelsi»ning 23 yoshli hujumchisi Liam Delap yozgi transfer oynasida klubini o‘zgartirishi mumkin. talkSPORT nashrining xabar berishicha, «Fulxem» shu yozda hujumchini sotib olish imkoniyatlarini ko‘rib chiqmoqda.

Biroq, ko‘p narsa Marku Silva ketganidan keyin «dala hovli egalari»ning yangi bosh murabbiyi kim bo‘lishiga bog‘liq bo‘ladi.

O‘tgan yili «Chelsi» Delapni «Ipsvich»dan 35 million yevro evaziga sotib olgan edi. O‘shandan beri u barcha musobaqalarda 41 ta o‘yinda maydonga tushdi, ammo bor-yo‘g‘i ikkita gol urdi. Shuningdek, hujumchi hisobida to‘rtta golli uzatma ham mavjud.

Delapning «Chelsi» bilan shartnomasi 2031 yilgacha mo‘ljallangan. Transfermarkt ekspertlari futbolchini 28 million yevroga baholashmoqda.