«Челси»нинг 23 ёшли ҳужумчиси Лиам Делап ёзги трансфер ойнасида клубини ўзгартириши мумкин. talkSPORT нашрининг хабар беришича, «Фулхэм» шу ёзда ҳужумчини сотиб олиш имкониятларини кўриб чиқмоқда.

Бироқ, кўп нарса Марку Силва кетганидан кейин «дала ҳовли эгалари»нинг янги бош мураббийи ким бўлишига боғлиқ бўлади.

Ўтган йили «Челси» Делапни «Ипсвич»дан 35 миллион евро эвазига сотиб олган эди. Ўшандан бери у барча мусобақаларда 41 та ўйинда майдонга тушди, аммо бор-йўғи иккита гол урди. Шунингдек, ҳужумчи ҳисобида тўртта голли узатма ҳам мавжуд.

Делапнинг «Челси» билан шартномаси 2031 йилгача мўлжалланган. Transfermarkt экспертлари футболчини 28 миллион еврога баҳолашмоқда.