«Kristal Pelas» darvozaboni Din Xenderson faoliyatini «Chelsi»da davom ettirishi mumkin. Jurnalist Aleks Goldbergning bergan ma’lumotlariga ko‘ra, «ko‘klar» yozgi transfer oynasi oldidan golkiperning transfer uchun ochiqligi borasida bir necha bor so‘rov yuborishgan.

Hozircha «Chelsi» Xenderson bo‘yicha rasmiy taklif bilan chiqqani yo‘q, biroq ushbu darvozabonning transferiga «Tottenxem» ham qiziqish bildirayotganini ta’kidlab o‘tish joiz.

Din Xenderson 2023 yilda «Manchester Yunayted»dan «Kristal Pelas»ga 17 million yevro evaziga o‘tgan edi. Uning «burgutlar» bilan shartnomasi 2028 yilning 30 iyuniga qadar mo‘ljallangan. 2025/26 yilgi mavsumda golkiper barcha musobaqalarda 52 ta o‘yinda maydonga tushib, o‘z darvozasidan 62 ta gol o‘tkazib yubordi, 18 ta uchrashuvda esa darvozasi daxlsizligini saqlab qoldi. Transfermarkt portali Xendersonning transfer qiymatini 28 million yevroga baholamoqda.