«Кристал Пэлас» дарвозабони Дин Хендерсон фаолиятини «Челси»да давом эттириши мумкин. Журналист Алекс Голдбергнинг берган маълумотларига кўра, «кўклар» ёзги трансфер ойнаси олдидан голкипернинг трансфер учун очиқлиги борасида бир неча бор сўров юборишган.
Ҳозирча «Челси» Хендерсон бўйича расмий таклиф билан чиққани йўқ, бироқ ушбу дарвозабоннинг трансферига «Тоттенхэм» ҳам қизиқиш билдираётганини таъкидлаб ўтиш жоиз.
Дин Хендерсон 2023 йилда «Манчестер Юнайтед»дан «Кристал Пэлас»га 17 миллион евро эвазига ўтган эди. Унинг «бургутлар» билан шартномаси 2028 йилнинг 30 июнига қадар мўлжалланган. 2025/26 йилги мавсумда голкипер барча мусобақаларда 52 та ўйинда майдонга тушиб, ўз дарвозасидан 62 та гол ўтказиб юборди, 18 та учрашувда эса дарвозаси дахлсизлигини сақлаб қолди. Transfermarkt портали Хендерсоннинг трансфер қийматини 28 миллион еврога баҳоламоқда.
