«Manchester Siti» qanot hujumchisi Savio Londonning «Tottenxem» klubiga o‘tishga yaqin turibdi. Bu haqda taniqli insayder Nikolo Skira xabar bermoqda.

Manbaning ma’lumotlariga ko‘ra, 22 yoshli braziliyalik futbolchi «Tottenxem» bilan shaxsiy shartnoma shartlarini kelishib olgan. Unga ko‘ra, bitim 2031 yilga qadar mo‘ljallangan bo‘ladi. Savioni jamoada ko‘rishni «shporlar» bosh murabbiyi Roberto De Dzerbi shaxsan o‘zi juda qattiq xohlayotgani alohida ta’kidlangan.

2025/26 yilgi mavsumda Savio barcha musobaqalarda 36 ta uchrashuvda maydonga tushib, 4 ta gol urdi va 3 ta golli uzatmani o‘z hisobiga yozdirib qo‘ydi. Avvalroq «Manchester Siti» braziliyalik vinger uchun taxminan 70 million yevro talab qilishi haqida xabar berilgan edi.