Niderlandiya terma jamoasi darvozaboni Bart Verbryuggen o‘z milliy jamoasi futbolchilarining mahorat darajasi haqida gapirdi.

«Sportchi sifatida siz doimo eng zo‘r futbolchilarga qarshi o‘ynashni va ularni mag‘lub etishni xohlaysiz. Buning uchun esa o‘z jamoagizda ham eng kuchli futbolchilar bo‘lishi kerak. Mening baxtim shundaki, dunyoning eng yaxshilaridan biri deb hisoblaydigan himoya chizig‘i bilan birga to‘p surish menga nasib etgan.

Boshqalarning bizning terma jamoamiz, jamoadoshlarim yoki men haqimda nima deyishiga unchalik e’tibor bermayman. To‘g‘risini aytsam, buning menga farqi yo‘q. Bizning mahorat darajamiz qanday ekanligini yaxshi bilaman va shuni tushunamanki, bizni kam baholayotganlar turnir davomida hayratda qolishadi», — deya Verbryuggenning so‘zlarini keltiradi The Independent.

2026 yilgi Jahon chempionatida Niderlandiya terma jamoasi "F" guruhida ishtirok etadi. Ularning guruhdagi raqiblari Yaponiya, Shvesiya va Tunis terma jamoalari bo‘ladi.