Fransiya terma jamoasi bosh murabbiyi Didye Desham Fransiyadan tashqari yana qaysi terma jamoalarni 2026 yilgi Jahon chempionati favoriti deb hisoblashi haqidagi savolga javob berdi.
«De la Fuente qo‘l ostida to‘p nazoratiga asoslangan o‘yiniga tezkorlik qo‘sha olgan Ispaniya. Tezlikni nazorat qilish esa doim qiyin. Futbolchilarining yuqori saviyasi evaziga buyuk futbol davlati hisoblangan Germaniya. Shuningdek, Tuxel qo‘l ostidagi Angliya — men bu jamoaga chin dildan qoyil qolaman. Kam baholab bo‘lmaydigan Portugaliya. Janubiy Amerikaning ikki jamoasi — Argentina va Braziliya. Va nima uchun doimiy ravishda o‘sib borayotgan Marokash emas?» — deya Deshamning so‘zlarini keltiradi La Gazzetta dello Sport.
2026 yilgi futbol bo‘yicha Jahon chempionatining final bosqichida 48 ta terma jamoa ishtirok etadi. Musobaqa shu yilning 11 iyunidan 19 iyuliga qadar AQSH, Kanada va Meksika maydonlarida bo‘lib o‘tadi.
