«Pari Sen-Jermen» klubi markaziy himoyachisi Vilyan Pacho klub bilan yangi shartnoma imzolashga bir qadam qoldi. Muzokaralar yakuniy bosqichda davom etmoqda.

Insayder Nikolo Skiraning bergan ma’lumotlariga ko‘ra, ekvadorlik futbolchi Parij grandi bilan 2030 yilning o‘rtalariga qadar mo‘ljallangan mehnat shartnomasini tuzadi. Bundan tashqari, 24 yoshli futbolchining maoshi ham sezilarli darajada oshiriladi.

Vilyan Pacho o‘tgan mavsumda Luis Enrike jamoasi safida 44 ta o‘yinda maydonga tushib, o‘z hisobiga 2 ta gol va 1 ta golli uzatmani yozdirib qo‘ygan. Futbolchining amaldagi kelishuvi 2029 yilda yakuniga yetadi, uning transfer qiymati esa «Transfermarkt» portali tomonidan 80 million yevroga baholangan.