Yakshanba kuni Madridning «Real» klubi prezidentligi uchun saylovlar bo‘lib o‘tdi. Ovoz berish natijalariga ko‘ra, Florentino Peres Enrike Rikelmeni ishonchli tarzda ortda qoldirdi va shundan so‘ng o‘zining ulkan maqsadlari aks etgan bayonotini berdi.

«Endi biz Chempionlar ligasidagi 16-g‘alabamiz sari intilamiz. Men bu yerda "Real"ni himoya qilish uchun turibman. Biz bitta oilamiz. Biz saylovda barcha stollarda, barcha yosh toifalarida g‘olib chiqdik. Bu ajoyib natija», — deya «qirollik» klubi rahbarining so‘zlarini keltirmoqda «Madrid Universal».

Yangi mavsumda «qaymoqranglilar» murabbiyi Joze Mourinyu bo‘ladi — u Madriddan ketganidan 13 yil o‘tib yana ortga qaytmoqda. Ma’lumot uchun, «Real»ning Chempionlar ligasidagi hozircha so‘nggi g‘alabasi 2024 yilga to‘g‘ri keladi.