Daniya terma jamoasi bosh murabbiyi Brayan Rimer milliy jamoaning yulduzli yarim himoyachisi Kristian Eriksen bilan sodir bo‘lgan ko‘ngilsiz hodisa haqida fikr bildirdi. Ukrainaga qarshi kechgan o‘rtoqlik uchrashuvi paytida futbolchi hushini yo‘qotgan edi.

«Bu barchamiz uchun kutilmagan zarba (shok) bo‘ldi. Biz Kristianning ahvoli bo‘yicha ma’lumot oldik. Shifokorning aytishicha, Eriksen bilan hammasi joyida. U ushbu og‘ir vaziyatni yengib o‘tdi. Hozirgi vaqtda eng muhimi mana shu», — deya mutaxassisning so‘zlarini keltirmoqda «TV2» telekanali.

Ushbu ko‘ngilsiz voqea sababli Daniya va Ukraina terma jamoalari o‘rtasidagi uchrashuv bekor qilindi.

Ma’lumot uchun, Kristian Eriksen ortda qolgan mavsumda Germaniyaning «Volfsburg» klubi sharafini himoya qilgan. U Bundesliga doirasida 33 ta o‘yinda maydonga tushib, o‘z hisobiga 3 ta gol va 9 ta golli uzatmani yozdirib qo‘ygan edi.