«Liverpul» klubining urugvaylik sobiq hujumchisi, ortda qolgan mavsumni Saudiya Arabistonining «Al-Hilol» jamoasida o‘tkazgan Darvin Nunyes tumanli Albionga qaytishi mumkin. Bu haqda «Mundo Deportivo» jurnalistlari xabar bermoqda.

Manbaning bergan ma’lumotlariga ko‘ra, «Chelsi» ushbu hujumchining xizmatlariga qiziqish bildirmoqda. «Aristokratlar»ning yangi bosh murabbiyi Xabi Alonso Joao Pedro bilan raqobatlasha oladigan hujumchi sifatida Nunyesni o‘z jamoasida ko‘rishni istamoqda.

Darvinning «Al-Hilol» klubi bilan tuzgan amaldagi mehnat shartnomasi 2028 yilning o‘rtalariga qadar mo‘ljallangan. Yakuniga yetgan mavsumda hujumchi Saudiya jamoasi safida 24 ta uchrashuvda maydonga tushib, o‘z hisobiga 9 ta gol va 5 ta golli uzatmani yozdirib qo‘ygan.