Madridning «Atletiko» klubi hujumchisi, argentinalik Xulian Alvaresning vakillari «Barselona» rahbariyatiga iltimos bilan murojaat qilishdi.

«The Touchline» nashriga ma’lum bo‘lishicha, agentlar Kataloniya klubidan yaqin bir oy ichida, ya’ni Jahon chempionati yakuniga qadar transfer bo‘yicha hech qanday harakat amalga oshirmay turishni so‘rashgan. Alvares yakunda «Atletiko» uni «Barselona»ga qo‘yib yuborishiga ishonmoqda, biroq ayni damda u bor e’tiborini faqatgina Jahon chempionatiga qaratgan va chalg‘ishni istamayapti.

Ortda qolgan mavsumda 26 yoshli Alvares barcha turnirlarda 49 ta uchrashuvda maydonga tushib, 20 ta gol urdi va 9 ta golli uzatmaga mualliflik qildi.