Мадриднинг «Атлетико» клуби ҳужумчиси, аргентиналик Хулиан Альвареснинг вакиллари «Барселона» раҳбариятига илтимос билан мурожаат қилишди.

«The Touchline» нашрига маълум бўлишича, агентлар Каталония клубидан яқин бир ой ичида, яъни Жаҳон чемпионати якунига қадар трансфер бўйича ҳеч қандай ҳаракат амалга оширмай туришни сўрашган. Альварес якунда «Атлетико» уни «Барселона»га қўйиб юборишига ишонмоқда, бироқ айни дамда у бор эътиборини фақатгина Жаҳон чемпионатига қаратган ва чалғишни истамаяпти.

Ортда қолган мавсумда 26 ёшли Альварес барча турнирларда 49 та учрашувда майдонга тушиб, 20 та гол урди ва 9 та голли узатмага муаллифлик қилди.