Randal Kolo-Muani shu yozda «Yuventus»ga qaytishga qarshi emas. Turin klubi hujumchining ehtimoliy transferi bo‘yicha «Pari Sen-Jermen» bilan muzokaralarni davom ettirmoqda.

«Yuventus» bir vaqning o‘zida Aleksandr Syorlot transferi ustida ham ishlamoqda, biroq fransiyalik forvard variantidan ham voz kechgani yo‘q.

Tuttosport nashri bergan ma’lumotlarga ko‘ra, «PSJ» futbolchini taxminan 35 million yevroga baholamoqda, turinliklar esa 30 million yevrodan ortiq to‘lashga tayyor emas. Shuningdek, futbolchini keyinchalik sotib olish majburiyati bilan ijaraga olish varianti ham ko‘rib chiqilmoqda.

Kolo-Muanining parijliklar bilan shartnomasi 2028 yilning iyunigacha amal qiladi. Qayd etilishicha, hujumchi Luis Enrikening rejalariga kirmaydi.

Futbolchi 2024/25 yilgi mavsumning ikkinchi yarmida «Yuventus» safida 22 ta o‘yinda maydonga tushib, 10 ta gol urishga erishgan edi. Klubning Chempionlar Ligasiga yo‘llanma ololmaganiga qaramay, u Turinga qaytishni istamoqda.