Madridning «Atletiko» klubi sobiq yulduzi Diyego Forlan Xulian Alvaresning jamoani tark etishi mumkinligi borasida o‘z fikrini bildirdi. Argentinalik hujumchiga Ispaniya chempionati grandlari «Real» va «Barselona» klublari da’vogarlik qilmoqda.

«Atletiko»da ilgari ham yuqori darajali hujumchilar bo‘lgan. Alvaresning ketishi bilan hech narsa o‘zgarib qolmaydi, o‘rniga boshqalari keladi. Ammo Alvares uchun yaxshi pul to‘lashsa va uning o‘zi ham ketishni istasa bu amalga oshishi kerak. «Barselona» yoki «Real»da o‘ynash imkoniyati paydo bo‘lganda, bu istakni tushunish mumkin», — deya Forlanning so‘zlaridan iqtibos keltirmoqda Cadena Ser nashri.

Eslatib o‘tamiz, Diyego Forlan 2007 yildan 2011 yilgacha «Atletiko» sharafini himoya qilgan.