«Manchester Siti» yarim himoyachi Divayn Mukasa bilan shartnoma uzaytirilganini rasman e’lon qildi. 18 yoshli futbolchining yangi kelishuvi 2030 yilning yoziga qadar mo‘ljallangan.

Mukasa «shaharliklar» akademiyasiga 2023 yilda kelib qo‘shilgan va qisqa vaqt ichida klubning eng umidli tarbiyalanuvchilaridan biri sifatida o‘zini ko‘rsata oldi. U 18 yoshgacha bo‘lgan jamoa va o‘rinbosarlar tarkibida muvaffaqiyatli harakat qilib, keyinchalik Xosep Gvardiola qo‘l ostida asosiy jamoada debyut qilish imkoniyatiga ega bo‘ldi.

Yakunlangan mavsumda yarim himoyachi «Manchester Siti»ning asosiy tarkibida 6 ta o‘yinda maydonga tushdi. Mavsumning ikkinchi yarmini esa ijara asosida «Lester» klubida o‘tkazib, Chempionshipning 15 ta uchrashuvida 2 ta gol urdi va 3 ta golli uzatmani amalga oshirdi.

Transfermarkt portali Mukasaning bozor qiymatini 5 million yevroga baholamoqda.