Ispaniya terma jamoasi hujumchisi Mikel Oyarsabal AQSH, Kanada va Meksika mezbonlik qilayotgan 2026 yilgi jahon chempionatidagi ishtirokdan nimalar kutayotgani bilan o‘rtoqlashdi.
«Biz o‘z kuchimizga to‘liq ishonamiz. Jamoadagi barcha futbolchilar bor kuchlarini ishga soladilar. Biz bir-birimizga ishonishimiz kerak. Yevropa chempionatida aynan mana shu tufayli muvaffaqiyatga erishgan edik. Hozir ham bu g‘alabamiz kaliti bo‘lishi mumkin», — deya hujumchining so‘zlarini keltiradi FIFA matbuot xizmati.
Jahon chempionatining guruh bosqichida «Qizil furiya» Urugvay, Kabo-Verde va Saudiya Arabistoni terma jamoalariga qarshi maydonga tushadi. Eslatib o‘tamiz, amaldagi jahon chempioni Argentina terma jamoasi hisoblanadi.
