Испания терма жамоаси ҳужумчиси Микель Оярсабаль АҚШ, Канада ва Мексика мезбонлик қилаётган 2026 йилги жаҳон чемпионатидаги иштирокдан нималар кутаётгани билан ўртоқлашди.
«Биз ўз кучимизга тўлиқ ишонамиз. Жамоадаги барча футболчилар бор кучларини ишга соладилар. Биз бир-биримизга ишонишимиз керак. Европа чемпионатида айнан мана шу туфайли муваффақиятга эришган эдик. Ҳозир ҳам бу ғалабамиз калити бўлиши мумкин», — дея ҳужумчининг сўзларини келтиради ФИФА матбуот хизмати.
Жаҳон чемпионатининг гуруҳ босқичида «Қизил фурия» Уругвай, Кабо-Верде ва Саудия Арабистони терма жамоаларига қарши майдонга тушади. Эслатиб ўтамиз, амалдаги жаҳон чемпиони Аргентина терма жамоаси ҳисобланади.













