Eden Azar Belgiya terma jamoasining Shimoliy Amerikada bo‘lib o‘tadigan 2026-yilgi Jahon chempionatida ishtirok etishi haqida fikr bildirdi.
"Belgiya o‘z guruhida eng kuchli jamoa hisoblanadi. Ammo birinchi o‘yinlar har doim oson kechmaydi. Ayni paytda belgiyaliklar turnir favoritlaridan hisoblanmaydi. Bu ularga erkinroq o‘ynashga yordam beradi. Lekin baribir jamoaning chiqishidan kutilmalar yuqori, garchi avvalgi ikki mundialdagidek bo‘lmasa ham", - deya yarim himoyachining so‘zlarini keltiradi FIFA matbuot xizmati.
Jahon chempionatining guruh bosqichida Belgiya Misr, Yangi Zelandiya va Eronga qarshi o‘ynaydi.
