Markaziy yarim himoyachi Iv Bissuma "Tottenxem"ni tark etdi. Bu haqda London klubi matbuot xizmati rasmiy saytida xabar berdi.
Mali terma jamoasi himoyachisi mehnat shartnomasi muddati tugashi munosabati bilan Angliya jamoasini tark etmoqda. Endi futbolchi erkin agent maqomida.
Avvalroq, "shporlar" yarim himoyachi bilan shartnomani uzaytirish bo‘yicha kelisha olmagani xabar qilingandi. Bissuma maoshni oshirishni talab qildi - bu klub rahbariyatini qoniqtirmadi.
29 yoshli yarim himoyachi 2022 yildan buyon "Tottenxem" safida o‘ynamoqda. Uning hisobida barcha musobaqalarda jami 111 ta o‘yin bo‘lib, unda futbolchi ikkita gol urgan.
