Argentinalik hujumchi Lionel Messi jahon chempionatlari tarixidagi eng yaxshi futbolchilar ro‘yxatida «gol+pas» tizimi bo‘yicha birinchi o‘rinni bo‘lishib turibdi. Uning hisobida 21 ta samarali harakat mavjud.
Messi 13 ta gol urdi va 8 ta golli uzatmani amalga oshirdi. «Gol+pas» tizimida 21 ochkoga ega bo‘lgan yana bir futbolchi — braziliyalik Pele bo‘lib, u 12 ta to‘p kiritgan va 9 ta golli pas uzatgan.
Miroslav Kloze (Germaniya) va Ronaldo (Braziliya) hisobida 19 tadan samarali harakat mavjud bo‘lsa, Gerd Myuller (Germaniya) 18 ta ochko jamg‘argan.
2026 yilgi jahon chempionati uchta mamlakat — Meksika, AQSH va Kanadada bo‘lib o‘tadi. Turnirda ilk bor 48 ta jamoa ishtirok etadi. Pley-off bosqichiga guruhlarda birinchi va ikkinchi o‘rinni egallagan jamoalar, shuningdek, uchinchi o‘rinni egallaganlar orasida eng yaxshi natija ko‘rsatgan sakkizta terma jamoa yo‘l oladi.
