Аргентиналик ҳужумчи Лионель Месси жаҳон чемпионатлари тарихидаги энг яхши футболчилар рўйхатида «гол+пас» тизими бўйича биринчи ўринни бўлишиб турибди. Унинг ҳисобида 21 та самарали ҳаракат мавжуд.

Месси 13 та гол урди ва 8 та голли узатмани амалга оширди. «Гол+пас» тизимида 21 очкога эга бўлган яна бир футболчи — бразилиялик Пеле бўлиб, у 12 та тўп киритган ва 9 та голли пас узатган.

Мирослав Клозе (Германия) ва Роналдо (Бразилия) ҳисобида 19 тадан самарали ҳаракат мавжуд бўлса, Герд Мюллер (Германия) 18 та очко жамғарган.

2026 йилги жаҳон чемпионати учта мамлакат — Мексика, АҚШ ва Канадада бўлиб ўтади. Турнирда илк бор 48 та жамоа иштирок этади. Плей-офф босқичига гуруҳларда биринчи ва иккинчи ўринни эгаллаган жамоалар, шунингдек, учинчи ўринни эгаллаганлар орасида энг яхши натижа кўрсатган саккизта терма жамоа йўл олади.