Argentinaning «Boka Xuniors» klubi yozgi mavsumni o‘zgarishlar shabodasi bilan kutib oldi — klub bir nechta futbolchilar, jumladan, Parijning «PSJ» klubi sobiq yarim himoyachisi, taniqli Ander Errera bilan xayrlashganini e’lon qildi.
Ispaniyalik futbolchi Argentina klubida barqaror o‘yin ko‘rsata olmadi — u «Boka Xuniors» safida bo‘lgan butun davri davomida bor-yo‘g‘i 29 ta o‘yinda maydonga tushdi, xolos. Shu sababli, endi u o‘ziga yangi ish joyi izlashiga to‘g‘ri keladi.
Ma’lumot uchun, futbolchi faoliyati davomida Ispaniyaning «Saragosa», Baskoniyaning «Atletik Bilbao» hamda Angliyaning «Manchester Yunayted» kabi jamoalarida to‘p surgan. Shuningdek, Ispaniya terma jamoasi safida 2 ta o‘yinda maydonga tushgan.
