«Andijon» yozgi yig‘inni boshladi va tarkibda ham ayrim o‘zgarishlar yuz berishi tabiiy jarayon.

Jumladan, darvozabon Rahimjon Davronov, himoyachi Ibrohim Yo‘ldoshev va yarim himoyachi Jamshid Boltaboyev bilan tuzilgan mehnat shartnomasi har ikki tomonning o‘zaro roziligi asosida bekor qilinganini ma’lum qilamiz.

Xabardor bo‘lganingizdek, ushbu futbolchilar mavsum avvalida jamoaga qo‘shilishgandi. O‘tgan vaqt davomida Davronov «Andijon» tarkibida chempionat va Kubok doirasida jami 8 ta o‘yinda maydonga tushdi. Ibrohim Yo‘ldoshev 1 ta o‘yinda maydonga tushib, 1 ta gol muallifiga aylandi. Boltaboyev esa «Andijon» safida Superligada 7 ta o‘yinda maydonga tushdi.