Braziliya terma jamoasi hujumchisi Neymar jamoasining Jahon chempionatidagi birinchi o‘yinida maydonga tusha olmaydi. Shunday bo‘lsa-da, yaxshi xabar bor: Neymarning Gaitiga qarshi kechadigan ikkinchi tur bahsida ishtirok etish imkoniyati mavjud. Bu haqda UOL Esporte ma’lumotlariga tayanib The Touchline nashri xabar bermoqda.
Qayd etilishicha, 34 yoshli Neymar hozirda jarohatdan qutilgan — unga shunchaki o‘yin amaliyoti (sport formasi) yetishmayapti. Boldir mushagidan olgan jarohati sababli yulduz hujumchi mana 25 kundirki maydonda birorta rasmiy o‘yinda qatnashmadi.
Braziliya — Marokash uchrashuvi 14 iyun kuni bo‘lib o‘tadi.
