Бразилия терма жамоаси ҳужумчиси Неймар жамоасининг Жаҳон чемпионатидаги биринчи ўйинида майдонга туша олмайди. Шундай бўлса-да, яхши хабар бор: Неймарнинг Гаитига қарши кечадиган иккинчи тур баҳсида иштирок этиш имконияти мавжуд. Бу ҳақда UOL Esporte маълумотларига таяниб The Touchline нашри хабар бермоқда.
Қайд этилишича, 34 ёшли Неймар ҳозирда жароҳатдан қутилган — унга шунчаки ўйин амалиёти (спорт формаси) етишмаяпти. Болдир мушагидан олган жароҳати сабабли юлдуз ҳужумчи мана 25 кундирки майдонда бирорта расмий ўйинда қатнашмади.
Бразилия — Марокаш учрашуви 14 июнь куни бўлиб ўтади.
