Fransiya terma jamoasi hujumchisi Kilian Mbappe jamoadoshi Maykl Olise haqida o‘z fikri bilan o‘rtoqlashdi. “Bavariya” vingeri Madridning “Real” klubi forvardi qatorida Fransiya milliy terma jamoasining bosh yulduzlaridan biri hisoblanadi.
“Olise — bu bizning bugunimiz va kelajagimiz. Unda nafislik va o‘yinni tushunish qobiliyati bor. Biz u bilan juda yaxshi chiqishamiz. Hozir u fransuz tilida yaxshi gapiradi, lekin siz, jurnalistlar, buni payqamaysiz, chunki u sizlar bilan kam muloqot qiladi. Uning xarakteri shunday”, — deya Mbappening so‘zlarini Madrid Universal nashri keltiradi.
“Uch ranglilar” Jahon chempionati guruh bosqichining 1-turi doirasida Senegalga qarshi bahs olib borishadi.
