Madridning “Real” klubi hujumchisi Vinisius Junior Braziliya terma jamoasida Karlo Anchelotti qo‘l ostida o‘ynash haqida o‘z fikrini bildirdi. Bundan avval “qirollik klubi”da faoliyat yuritgan italiyalik mutaxassis o‘tgan yilning yozidan beri “selesao”ni boshqarib kelmoqda.
“Anchelotti qo‘l ostida o‘ynab, o‘zimni to‘liq xotirjam his qilyapman. U bilan menga katta erkinlik berilgan va terma jamoada xuddi “Real”da qilgan ishlarimni takrorlay olishimga mutlaqo ishonaman”, — dedi matbuot anjumanida Vinisius.
Braziliyaliklar Jahon chempionati guruh bosqichining 1-turida Marokash terma jamoasiga qarshi maydonga tushishadi. Uchrashuv 14 iyun kuni bo‘lib o‘tadi.
