Bosniya va Gersegovina terma jamoasi Jahon chempionati guruh bosqichining 1-turida Kanada bilan durang (1:1) o‘ynadi. Bosniyaliklar bosh murabbiyi Sergey Barbarez ushbu natijani adolatli deb hisoblashini aytdi.
“G‘alaba qozona olmaganingda doim afsus bo‘ladi. Lekin realist bo‘lishimiz kerak, bizga biroz omad ham kuldi. Menimcha, 1:1 — haqqoniy natija. Asosiy maqsadimiz bo‘lgan guruhdan chiqish vazifasi nuqtai nazaridan qarasak, bu ochko — yaxshi natija”, — dedi Barbarez o‘yindan keyingi matbuot anjumanida.
“Musobaqa jadvali qanday ko‘rinish olishi mumkinligini bilamiz. Ammo birinchi o‘yindan keyinoq hisob-kitob qilish vaqti emas. Keyingi ikkita o‘yinda g‘alaba qozonishga harakat qilishimiz kerak”, — deya qo‘shimcha qildi u.
Bosniya va Gersegovina terma jamoasi navbatdagi uchrashuvini 18 iyun kuni Shveysariyaga qarshi o‘tkazadi.
