Meksika prezidenti Klaudiya Sheynbaum Jahon chempionatining ochilish uchrashuvi doirasida bo‘lib o‘tgan Janubiy Afrikaga qarshi bahsda (2:0) nima uchun “Asteka” stadionida bo‘lmagani sababini aytib berdi. Uning so‘zlariga ko‘ra, chiptalar narxi asosiy sabab bo‘lgan va shu tufayli u o‘z taklifnomasini maxsus tanlovda g‘olib chiqqan yosh muxlisa qizga sovg‘a qilgan.
“Stadionga chiptalar juda qimmat. Prezident sifatida, o‘z joyimni stadionga borishga imkoniyati yetmaydigan, lekin futbolni juda yaxshi ko‘radigan insonga berganim ma’qul deb hisobladim. O‘zim esa xalq bilan birga bepul bayram qilishim mumkin”, — deya siyosatchining so‘zlarini The Guardian nashri keltiradi.
Yakunda Sheynbaum uchrashuvni Mexiko rasmiylari tomonidan tashkil etilgan fan-zonalardan birida muxlislar bilan birgalikda tomosha qilgan.
