Мексика президенти Клаудия Шейнбаум Жаҳон чемпионатининг очилиш учрашуви доирасида бўлиб ўтган Жанубий Африкага қарши баҳсда (2:0) нима учун “Ацтека” стадионида бўлмагани сабабини айтиб берди. Унинг сўзларига кўра, чипталар нархи асосий сабаб бўлган ва шу туфайли у ўз таклифномасини махсус танловда ғолиб чиққан ёш мухлиса қизга совға қилган.

“Стадионга чипталар жуда қиммат. Президент сифатида, ўз жойимни стадионга боришга имконияти етмайдиган, лекин футболни жуда яхши кўрадиган инсонга берганим маъқул деб ҳисобладим. Ўзим эса халқ билан бирга бепул байрам қилишим мумкин”, — дея сиёсатчининг сўзларини The Guardian нашри келтиради.

Якунда Шейнбаум учрашувни Мехико расмийлари томонидан ташкил этилган фан-зоналардан бирида мухлислар билан биргаликда томоша қилган.