Kanada terma jamoasi bosh murabbiyi Jessi Marsh jahon chempionati doirasida Bosniya va Gersegovina bilan qayd etilgan durang (1:1) uchrashuvidan so‘ng fikr bildirdi.
«Bizda raqib to‘liq nazoratimizda, degan his bor edi. Biz ularni orqaga chekinishga majbur qildik, zaxiradan maydonga tushgan futbolchilar o‘yin borishini o‘zgartirishlari kerak edi. Qisqa tanaffus vaqtida men ularga: Ular bizning qo‘limizda, endi ularni oxirigacha bosishimiz kerak, dedim.
Birinchi bo‘limdan hafsalam pir bo‘ldi. Biz agressiv o‘ynamadik. Buni tanaffusda muhokama qildik va ikkinchi bo‘limda hammasi boshqacha bo‘ldi. Bugungi o‘yindan xulosa chiqarishimiz kerak», - dedi Marsh TSN telekanaliga.
Jahon chempionatidagi keyingi o‘yinini Kanada terma jamoasi 19 iyun kuni Qatarga qarshi o‘tkazadi.













