«Atletiko» hujumchisi Xulian Alvares bu yozda Madridning «Real» klubiga o‘tmaydi. «Qaymoqranglilar» argentinalik futbolchi uchun 150 million yevro taklif qilishgan, biroq rad javobini olishgan.
Jurnalist Fabrisio Romanoning ma’lumotlariga ko‘ra, Alvaresning «Real»ga transferi aniq amalga oshmaydi, kelishuv ustida ish olib borilmayapti. Tomonlar o‘rtasida boshqa hech qanday aloqa yo‘q.
Manbaning ta’kidlashicha, «Barselona» 26 yoshli futbolchiga qiziqishni saqlab turibdi, hujumchining o‘zi ham Kataloniyaga ko‘chib o‘tish haqida o‘ylamoqda. «Atletiko» esa o‘z yulduzi bilan xayrlashmoqchi emas va bu haqda bir necha bor, qolaversa, ancha keskin shaklda ommaga ma’lum qilgan. Transfermarkt saytida futbolchining narxi – 100 mln yevro.
