«Атлетико» ҳужумчиси Хулиан Альварес бу ёзда Мадриднинг «Реал» клубига ўтмайди. «Қаймоқранглилар» аргентиналик футболчи учун 150 миллион евро таклиф қилишган, бироқ рад жавобини олишган.

Журналист Фабрицио Романонинг маълумотларига кўра, Альвареснинг «Реал»га трансфери аниқ амалга ошмайди, келишув устида иш олиб борилмаяпти. Томонлар ўртасида бошқа ҳеч қандай алоқа йўқ.

Манбанинг таъкидлашича, «Барселона» 26 ёшли футболчига қизиқишни сақлаб турибди, ҳужумчининг ўзи ҳам Каталонияга кўчиб ўтиш ҳақида ўйламоқда. «Атлетико» эса ўз юлдузи билан хайрлашмоқчи эмас ва бу ҳақда бир неча бор, қолаверса, анча кескин шаклда оммага маълум қилган. Transfermarkt сайтида футболчининг нархи – 100 млн евро.