Jahon chempionati — 2026 guruh bosqichining birinchi turida turnir mezboni hisoblangan AQSH terma jamoasi Paragvay milliy jamoasi ustidan 4:1 hisobida yirik g‘alabaga erishdi.
ESPN bergan ma’lumotlarga ko‘ra, Amerika terma jamoasi 1930 yildan buyon ilk bor mundial doirasidagi o‘yinda uchta to‘p farqi bilan zafar quchdi. Bundan 96 yil avval AQSH Paragvay va Belgiya milliy terma jamoalarini bir xil — 3:0 hisobida mag‘lub etgan edi. O‘shandan beri amerikaliklarga Jahon chempionatlarida uchta to‘p farqi bilan g‘alaba qozonish nasib etmayotgandi.
Maurisio Pochettino shogirdlari uch ochko jamg‘arib, «D» kvartetida peshqadamga aylanishdi. Ushbu guruhning ikkinchi uchrashuvida Turkiya va Avstraliya terma jamoalari o‘zaro to‘qnashadilar.













