Marokash terma jamoasining yulduz qanot himoyachisi Ashraf Hakimiy Jahon chempionati — 2026 doirasida Braziliya terma jamoasiga qarshi kechadigan bahs oldidan o‘z fikrlarini bildirdi.
«Bizning qit’amizda Marokashni «Afrika braziliyaliklari» deb atashadi. Biz qarshimizda qanday raqib turishini juda yaxshi tushunib turibmiz. Ammo bizning ham kuchli jamoamiz bor. Muxlislarimiz qo‘llab-quvvatlashi ostida ko‘p narsaga qodirmiz. Mundialda chiroyli o‘yin ko‘rsatishni istaymiz», — deya himoyachining so‘zlarini keltiradi Ole nashri.
Braziliya va Marokash terma jamoalari o‘trasidagi uchrashuv 14 iyun kuni bo‘lib o‘tadi va Toshkent vaqti bilan soat 03:00 da boshlanadi.
