Yaponiyalik muxlislar Jahon chempionati guruh bosqichi doirasida o‘z terma jamoasi Niderlandiya bilan durang (2:2) o‘ynagan uchrashuvdan so‘ng, tribunalardagi barcha chiqindilarni yig‘ishtirib olishdi.

FIFA yaponiyaliklarning barcha chiqindilarni paketlarga solib, arenadan olib chiqib ketayotgani aks etgan fotosuratlarni e’lon qildi. Bunday xulq-atvor nafaqat muxlislar, balki Kun chiqar mamlakat futbolchilari uchun ham an’anaviy tus olgan.

Xususan, Rossiyada bo‘lib o‘tgan JCH-2018 musobaqasida Yaponiya terma jamoasi futbolchilar tomonidan chinnidek tozalab qo‘yilgan kiyinish xonasi suratini ijtimoiy tarmoqlarga joylashtirgan edi.

Eslatib o‘tamiz, Niderlandiya va Yaponiya o‘rtasidagi uchrashuv 2:2 hisobidagi durang bilan yakunlandi. Navbatdagi o‘yinda Yaponiya Shvesiyadan yirik hisobda (1:5) mag‘lub bo‘lgan Tunisga qarshi maydonga tushadi.

Guruhning ikkinchi uchrashuvida esa Niderlandiya terma jamoasi guruh peshqadami — shvedlarga qarshi bahs olib boradi.