Ispaniya terma jamoasi ustozi Luis de la Fuente «qizil furiya»ning Shimoliy Amerika mezbonlik qilayotgan Jahon chempionati – 2026 favoriti sifatida ko‘rilayotganiga o‘z munosabatini bildirdi.
«Favorit maqomi umuman hech narsani kafolatlamaydi. Jahon chempionati kabi turnirlarda ko‘plab jamoalar g‘alabaga da’vogarlik qiladi. Dastlab favoritlar qatorida tilga olinmagan jamoa ham chempion bo‘lishi mumkin. Mundialda har bir o‘yin juda og‘ir o‘tadi», — deya mutaxassisning so‘zlarini keltiradi Marca gazetasi.
Ispaniya terma jamoasi Jahon chempionatidagi o‘zining ilk uchrashuvini Kabo-Verdega qarshi o‘tkazadi. Mazkur bahs bugun, 15 iyun kuni bo‘lib o‘tadi va o‘yin Toshkent vaqti bilan soat 21:00 da boshlanishi rejalashtirilgan.
