«Manchester Yunayted» vingeri Amad Diallo Kot-d’Ivuar terma jamoasi safida JCH-2026 guruh bosqichi 1-turidan o‘rin olgan Ekvadorga qarshi uchrashuvda o‘z mahoratini namoyish etdi.
23 yoshli futbolchi bahsning 56-daqiqasida zaxiradan maydonga tushdi va 90-daqiqada uchrashuvdagi yagona gol muallifiga aylandi. Bundan tashqari, SofaScore ma’lumotlariga ko‘ra, Diallo to‘liq bo‘lmagan bir taym ichida raqiblarini 6 marta aldab o‘tishga muvaffaq bo‘lgan. Bu joriy mundialdagi istalgan boshqa futbolchidan (hatto maydonda to‘liq 90 daqiqa harakat qilganlarni qo‘shib hisoblaganda ham) ko‘proq ko‘rsatkichdir.
Kot-d’Ivuar terma jamoasi 1-turdan so‘ng «E» kvartetida ikkinchi o‘rinni egallab turibdi. Birinchi pog‘onadan esa Kyurasao terma jamoasini 7:1 hisobida tor-mor etgan Germaniya joy olgan.
