«PSJ»ning 20 yoshli xavbeki Senni Mayulu Fransiya chempioni bilan mehnat shartnomasini uzaytiradi. Bu haqda insayder Fabrisio Romano xabar bermoqda.
Manbaning ta’kidlashicha, Mayuluning parijliklar bilan yangi shartnomasi 2031 yilning iyun oyigacha mo‘ljallanadi. Kelishuv yaqin orada to‘liq yopilishi kutilmoqda.
Qayd etilishicha, Angliya Premyer-ligasining ikkita top-klubi yarim himoyachini o‘z safiga qo‘shib olishni istagan, biroq Mayuluning o‘zi «PSJ»da qolishga qaror qilgan.
Yakunlangan mavsumda Mayulu barcha turnirlarda 41 ta o‘yinda maydonga tushib, raqiblar darvozasini olti bor ishg‘ol qildi va beshta golli uzatma muallifiga aylandi.
Nufuzli Transfermarkt portali mutaxassislari futbolchini 40 million yevroga baholashmoqda.













