«Fulxem»ning tayanch yarim himoyachisi Sander Berge «Manchester Yunayted»ning qiziqishlar doirasiga tushib qolgan. Bu haqda insayder Ekrem Konur xabar bermoqda.

Manbaning ma’lum qilishicha, «qizil iblislar» 28 yoshli norvegiyalik futbolchini sotib olish imkoniyatlarini ko‘rib chiqmoqda. Qayd etilishicha, bundan ikki yil avval «Fulxem» Bergeni 29 million yevroga sotib olgan edi va endilikda uning sotuvidan foyda ko‘rishni istamoqda.

Yakunlangan mavsumda yarim himoyachi barcha turnirlarni inobatga olgan holda 39 ta uchrashuvda maydonga tushib, 1 ta gol urishga erishdi.

Bergening «dala hovlililar» bilan shartnomasi 2029 yilning o‘rtalariga qadar mo‘ljallangan. Nufuzli Transfermarkt portali mutaxassislari futbolchining transfer bahosini 25 million yevroga baholamoqda.