«Фулхэм»нинг таянч ярим ҳимоячиси Сандер Берге «Манчестер Юнайтед»нинг қизиқишлар доирасига тушиб қолган. Бу ҳақда инсайдер Экрем Конур хабар бермоқда.
Манбанинг маълум қилишича, «қизил иблислар» 28 ёшли норвегиялик футболчини сотиб олиш имкониятларини кўриб чиқмоқда. Қайд этилишича, бундан икки йил аввал «Фулхэм» Бергени 29 миллион еврога сотиб олган эди ва эндиликда унинг сотувидан фойда кўришни истамоқда.
Якунланган мавсумда ярим ҳимоячи барча турнирларни инобатга олган ҳолда 39 та учрашувда майдонга тушиб, 1 та гол уришга эришди.
Бергенинг «дала ҳовлилилар» билан шартномаси 2029 йилнинг ўрталарига қадар мўлжалланган. Нуфузли Transfermarkt портали мутахассислари футболчининг трансфер баҳосини 25 миллион еврога баҳоламоқда.
