Taniqli italiyalik mutaxassis Fabio Kapello Italiyaning «Milan» klubi rahbariyati xorvatiyalik yarim himoyachi Luka Modrichni jamoada saqlab qolish uchun qo‘lidan kelgan barcha ishni qilishi kerakligiga shubha qilmayapti.
«Luka Chempionlar ligasisiz bo‘lsa ham qolishi kerak. U boshqalar uchun o‘rnak, butun jamoa uchun mayoqdir. U murabbiyga juda katta yordam beradi, futbolchilarning bor imkoniyatlarini qanday qilib yuzaga chiqarishni yaxshi biladi. U — lider. Yangi «Milan» aynan u bilan birga qayta jonlanishi kerak», — deya Fabio Kapelloning so‘zlarini keltiradi pianetamilan.it nashri.
Eslatib o‘tamiz, xorvatiyalik yarim himoyachi o‘tgan yildan beri «Milan» sharafini himoya qilib kelmoqda.
