«Seltik» klubining markaziy yarim himoyachisi Arne Engels Angliya Premyer-ligasiga ko‘chib o‘tishi mumkin. Bu haqda jurnalist Sasha Tavolyeri xabar bermoqda.

Manbaning ta’kidlashicha, «Nottingem Forest» va «Kristal Pelas» klublari ushbu yozda 22 yoshli belgiyalik futbolchini sotib olishni maqsad qilgan. «O‘rmonchilar» Engelsni Elliot Andersonga ideal o‘rinbosar sifatida ko‘rishmoqda, biroq «burgutlar» ham futbolchini o‘z tomonlariga og‘dirib olishga harakat qilmoqda. Poyga davom etmoqda.

Yakunlangan mavsumda Engels barcha musobaqalarda 46 ta uchrashuvda maydonga tushib, raqiblar darvozasini 7 bor ishg‘ol qildi va 8 ta golli uzatmaga mualliflik qildi.

Transfermarkt portali ma’lumotlariga ko‘ra, yarim himoyachining transfer bahosi 20 million yevroni tashkil etadi.