«Селтик» клубининг марказий ярим ҳимоячиси Арне Энгельс Англия Премьер-лигасига кўчиб ўтиши мумкин. Бу ҳақда журналист Саша Тавольери хабар бермоқда.

Манбанинг таъкидлашича, «Ноттингем Форест» ва «Кристал Пэлас» клублари ушбу ёзда 22 ёшли бельгиялик футболчини сотиб олишни мақсад қилган. «Ўрмончилар» Энгельсни Эллиот Андерсонга идеал ўринбосар сифатида кўришмоқда, бироқ «бургутлар» ҳам футболчини ўз томонларига оғдириб олишга ҳаракат қилмоқда. Пойга давом этмоқда.

Якунланган мавсумда Энгельс барча мусобақаларда 46 та учрашувда майдонга тушиб, рақиблар дарвозасини 7 бор ишғол қилди ва 8 та голли узатмага муаллифлик қилди.

Transfermarkt портали маълумотларига кўра, ярим ҳимоячининг трансфер баҳоси 20 миллион еврони ташкил этади.