«Kristal Pelas» himoyachisi Maksans Lakrua ushbu yozda klubini o‘zgartirishi mumkin.

Daily Mail nashrining bergan ma’lumotlariga ko‘ra, 26 yoshli futbolchini o‘z safiga qo‘shib olishga «Chelsi» qiziqish bildirmoqda. «Ko‘klar» fransiyalik himoyachini mudofaa chizig‘ini kuchaytirish uchun asosiy transfer maqsadi sifatida belgilab olishgan. Ehtimoliy kelishuv taxminan 40 million yevroga baholanmoqda.

Maksans Lakrua 2024 yilda «Volfsburg»dan «Kristal Pelas»ga 18 million yevro evaziga o‘tgan edi. Uning shartnomasi 2029 yilning 30 iyuniga qadar mo‘ljallangan. 2025/26 yilgi mavsumda himoyachi «burgutlar» safida barcha musobaqalarda 55 ta o‘yinda maydonga tushib, 3 ta gol urdi va 3 ta golli uzatmani amalga oshirdi. Transfermarkt portali Lakruaning transfer bahosini 50 million yevroga baholamoqda.