Niderlandiya terma jamoasi sobiq futbolchisi Jovanni van Bronkxorst yana «Feyenoord» bosh murabbiyi etib tayinlandi, deb xabar berdi klub matbuot xizmati.
51 yoshli mutaxassis bilan imzolangan shartnoma ikki yilga mo‘ljallangan bo‘lib, unga ko‘ra bitimni yana bir mavsumga uzaytirish bandi ham mavjud.
Van Bronkxorst 2015 yildan 2019 yilgacha Rotterdam klubi bosh murabbiyi sifatida faoliyat yuritgan. Uning qo‘l ostida «Feyenoord» 2016/17 yilgi mavsumda Niderlandiya chempioni bo‘lgan, shuningdek, ikki martadan mamlakat Kubogi (2016, 2018) va Superkubogini (2017, 2018) qo‘lga kiritgan.
Niderlandiyalik mutaxassis 2025 yildan buyon «Liverpul» klubida o‘z hamyurti Arne Slotning yordamchisi bo‘lib ishlab kelayotgan edi. Mavsum yakunlangach, ularning ikkalasi ham Mersisayd klubini tark etishdi.













