Norvegiya milliy terma jamoasi va «Manchester Siti» klubi hujumchisi Erling Xoland o‘zini dunyodagi eng zo‘r to‘purar deb hisoblamasligini ma’lum qildi.
JCH-2026 guruh bosqichi 1-turidan o‘rin olgan Iroqqa qarshi uchrashuvdagi g‘alabadan (4:1) so‘ng, norvegiyaliklar bosh murabbiyi Stole Solbakken mazkur bahsda dubl qayd etgan shogirdiga yuqori baho berib, uni dunyoning eng yaxshi goleadori deb atagan edi.
«Men shunchaki eng yaxshilar qatoridaman, deb aytgan bo‘lardim. Menimcha, bu mavsumda eng ko‘p gol urgan futbolchi men emasman, shuning uchun statistika nuqtai nazaridan — yo‘q, men eng zo‘ri emasman. Keyn va Mbappe mendan ko‘ra ko‘proq gol urishdi — voqelik mana shunday», — dedi Xoland.













