Норвегия миллий терма жамоаси ва «Манчестер Сити» клуби ҳужумчиси Эрлинг Холанд ўзини дунёдаги энг зўр тўпурар деб ҳисобламаслигини маълум қилди.
ЖЧ-2026 гуруҳ босқичи 1-туридан ўрин олган Ироққа қарши учрашувдаги ғалабадан (4:1) сўнг, норвегияликлар бош мураббийи Столе Сольбаккен мазкур баҳсда дубль қайд этган шогирдига юқори баҳо бериб, уни дунёнинг энг яхши голеадори деб атаган эди.
«Мен шунчаки энг яхшилар қаторидаман, деб айтган бўлардим. Менимча, бу мавсумда энг кўп гол урган футболчи мен эмасман, шунинг учун статистика нуқтаи назаридан — йўқ, мен энг зўри эмасман. Кейн ва Мбаппе мендан кўра кўпроқ гол уришди — воқелик мана шундай», — деди Холанд.
