«Rayo Valyekano» Benyat San-Xose Xilning asosiy jamoa bosh murabbiyi etib tayinlanganini rasman e’lon qildi.
Benyat — bir qancha mamlakatlarda faoliyat yuritgan tajribali mutaxassis. U murabbiylik faoliyatini «Real Sosyedad»ning yoshlar jamoasida boshlagan, shundan so‘ng Saudiya Arabistoni, Chili, Boliviya, BAA, Belgiya va Meksikada ishlagan.
Uning asosiy yutuqlari qatorida «Universidad Katolika» klubi bilan Chili chempionligi (2018), Boliviyaning «Bolivar» jamoasi bilan bir nechta sovrinlar va Libertadores kubogining chorak finaliga chiqish bor.
Benyat San-Xose 2025 yilning fevral oyidan buyon «Eybar»ni boshqarib kelayotgan edi va jamoa bilan 60 ta o‘yin o‘tkazdi.
Yakunlangan mavsumda «Rayo Valyekano» La Ligada sakkizinchi o‘rinni egalladi va Konferensiyalar ligasi finaliga qadar yetib bordi. Jamoaning avvalgi ustozi Inigo Peres o‘z xohishiga ko‘ra klubni tark etgan edi.













